ndak bundeli ing lembaran-lembaran mori
janji suci kang kawuri
kang wus lumaku ing padang penguripan
tansah amemaya ing wewangunan
pesanggrahan
kong arga gambar anyekseni
asta panjenengan nglukis gegambaran agesang
gading mas rinekso ing budi
jumangkah mecak-i dalan karang padesan
sumunaring surya
tetesing embun ngrekso ati temlawung
adhem, ayem, tentrem
kanthi gegondelan kekancingan suci
tinggalan Dalem Gusti Kanjeng Pangeran Sambernyawa
serat gambuh asmaradana kinanti lan mijil kang kawujud
winengku ing budi
tinitis wonten ing sakjroning kalbu
jabang bayi kang mijil ing tlatah arga gambar
Gunung Gambar, 01-01-2011
